Հայկական ժամանակ

Վերջինս, երբեմն շատ արագ է գլխի ընկնում այս մասին (եթե իհարկե` գլուխ ունի) ու փորձում «գլխի ճարը» տեսնել, բայց ավելի հաճախ` անսահման սերն ու նվիրվածությունը կուրացնում, հիմարացնում են ու «ավելորդը» հայտնվում է պարզապես ծիծաղելի վիճակում: Հատկապես ցավալի է, որ սիրուց կուրացածը երեկվա աղջնակը չէ, մի յոթ-ութ հազար տարեկան, բազմաթիվ սիրային արկածների ու փորձությունների միջով անցած հասուն կին է, եթե չասենք` պառավ:
Ամեն անգամ չեղած ատամները կրճտացնել ու ճերմակ մազերը փիտել պետք չէ, տիկին, ո՞ւր է Ձեր արժանապատվությունը, մի՞թե չեք հասկանում, որ Ձեզ այլեւս չեն սիրում ու գուցե չեն էլ սիրել` երբեք: Մի երկու անգամ ժպտացել են ու վերջ: Եվ այդ ժպիտը դրոշակի պես ծածանելն անիմաստ է:

Երեկվա դրությամբ դեռեւս հայտնի չէր, թե ՀՀ ՍԴ-ն երբ է քննելու «Հայկական ժամանակ» օրաթերթի գլխավոր խմբագիր, պատգամավորության թեկնածու, քաղբանտարկյալ Նիկոլ Փաշինյանի դիմումը: Քաղբանտարկյալը պահանջել է անվավեր ճանաչել այս տարվա հունվարի 10-ին 10-րդ ընտրատարածքում տեղի ունեցած ԱԺ ընտրությունների արդյունքները: «ՍԴ մասին» ՀՀ օրենքով մեծամասնական ընտրակարգով ԱԺ ընտրությունների վերաբերյալ դիմումների քննարկումը ՍԴ-ն պետք է ավարտի մեկամսյա ժամկետում: Նիկոլ Փաշինյանի դիմումը ՍԴ-ին է ներկայացվել հունվարի 21-ին: Այսինքն, Նիկոլ Փաշինյանի դիմումը քննարկելու եւ որոշում կայացնելու համար ՍԴ-ն ժամանակ ունի մինչեւ փետրվարի 21-ը: