Լեւոն Քոչարյան

«Հայկական ժամանակի» ընթերցողի համար Քոչարյանների աֆրիկյան արկածները ամենեւին նորություն չէին: Մինչ հանրահայտ լուսանկարների տպագրումը, ինչպես գիտեք, «ՀԺ»-ի 2009 թվականի օգոստոսի 19-ի համարում տպագրվել էր լուր հետեւյալ բովանդակությամբ. «Ինչպես փոխանցում են մեր աղբյուրները` ուրբաթ օրը Երեւան-Դուբայ չվերթի ուղեւորների մեջ է եղել Ռոբերտ Քոչարյանը` իր ավագ որդի Սեդրակի հետ (....) Ըստ մեր աղբյուրների, Քոչարյանը մեկնել Տանզանիա` որսի»: Ինչպես տեսնում եք, այս լրատվությունը, որ ժամանակին ոմանք «հերյուրանք» էին համարում, ժամանակի ընթացքում պերճախոս կերպով ապացուցվեց: Սա ասում եմ նաեւ բոլոր նրանց համար, ովքեր շատ հաճախ կասկածով են վերաբերվում մեր աղբյուրների լրատվությանը:

Նշվում են ՀՀ պետական եկամուտների կոմիտեի նախագահ Գագիկ Խաչատրյանի որդու, Ազգային անվտանգության ծառայության տնօրենի տեղակալ Հրաչյա Հարությունյանի (Կրակեմ Հրաչի) որդու եւ Ռոբերտ Քոչարյանի կրտսեր որդու` Լեւոն Քոչարյանի անունները: Նույն լուրերի համաձայն, երբ վեճից հետո հնչել են կրակոցներ, դեպքի վայր են ժամանել ՀՀ ոստիկանության Կոտայքի բաժնի աշխատակիցները: Տեղեկանալով, սակայն, թե ովքեր են վեճի մասնակիցները, ոստիկանները հեռացել են: Երեկ, երբ փորձեցինք սույն լուրերի կապակցությամբ ՀՀ ոստիկանությունից պաշտոնական մեկնաբանություն ստանալ, մեզ ասացին, որ աշխատանքային ժամն ավարտվել է, եւ մեր հարցերին կպատասխանեն այսօր:

Մեր թերթի 2009 թվականի փետրվարի 6-ի համարում տպագրվել էր հետեւյալ հրապարակումը «Ռոբերտիչի արկածները Դուբայում» վերնագրով. «Ամանորից օրեր առաջ Դուբայում տեղի ոստիկանության կողմից հարբած վիճակում ձերբակալվել է Ռոբերտ Քոչարյանի կրտսեր որդին` Լեւոն Քոչարյանը: Ըստ հավաստի աղբյուրների, կրտսեր Քոչարյանի հետ ձերբակալվել են նաեւ Մոսկվայում հայտնի դատախազ Գենայի որդին եւ եւս երկու հոգի: Կրտսեր Քոչարյանի համար եղել են բազմաթիվ միջնորդություններ, սակայն տեղի իրավապահները նրան բաց են թողել չորս օր պահելուց հետո միայն, այն էլ` զանազան փաստաթղթեր պահանջելով: Ըստ մեր աղբյուրների, Լեւոն Ռոբերտի Քոչարյանը ձերբակալվել է հասարակական վայրում անկարգություններ անելու համար»: Այս լուրի տպագրումից հետո Քոչարյանների ընտանիքը դատի տվեց մեր թերթին, եւ Հայաստանի դատարանը, որի անկախությունը,օրինականությունն ու մաքրությունը բոլորիդ է հայտնի, վճռեց որ մենք պետք է հերքենք այդ տեղեկատվությունը: Այսպիսով, հերքում ենք` ի կատարումն դատավճռի:

Հիշեցնենք, որ «Քոչարյաններն ընդդեմ «Հայկական ժամանակի»» քաղաքացիական հայցի հիման վրա դատարանը հենց այսքան տուգանք էր դրել մեր թերթի վրա: Իսկ դատական գործի առիթը մեր թերթում տպագրված մի հրապարակում էր, որտեղ պատմվում էր Դուբայում Քոչարյանի կրտսեր որդու` Լեւոնի իրականացրած հարբած դեբոշների մասին: Քոչարյանները դատարան էին դիմել եւ 15 միլիոն դրամի բարոյական վնասի փոխհատուցում պահանջել «ՀԺ»-ից: Խայտառակ դատավարության արդյունքում, ի վերջո, դատարանը մասնակի բավարարեց հայցը` 3 միլիոն 300 հազար դրամի չափով: Երեկ մենք ԴԱՀԿ-ին վճարել ենք այդ գումարը` մեր գույքը արգելանքից հանելու համար: Այսպիսով, Քոչարյանները Հայաստանի իրենց փայ բռնազավթման ընթացքում կուտակած 4 միլիարդ դոլարին ավելացրին եւս երեք միլիոն 300 հազար դրամ: Բայց մենք հաճույքով ենք վճարել այդ գումարը, որովհետեւ կորած տեղ չի: Ի վերջո, հեռու չէ այն օրը, երբ ոչ միայն այդ երեք միլիոնը, այլեւ մնացած չորս միլիարդ դոլարը վերադարձվելու են ժողովրդին: Ոչ մի բռնապետ իր լափածը չի մարսել:

Այս առնչությամբ մեր հարցին նախարարը նախ պատասխանեց. «Հավատարմագրային կառավարման կողմը հոլանդական ընկերությունն է, որի սեփականատերը մեկ թե մեկուկես տարի առաջ փոխվեց, բայց հավատարմագրային կառավարիչը չի փոխվել»: Այնուամենայնիվ ով է «Հայփոստի» կառավարիչ ընկերության սեփականատերը, եւ որքանով են իրականությանը համապատասխանում լուրերն այն մասին, որ այդ ընկերության բաժնետոմսերի հսկիչ փաթեթը պատկանում է Քոչարյանների ընտանիքին, մեր այս հարցին Սարգսյանը բառացի պատասխանեց. «Բաժնետիրական ընկերություն է եւ ցանկացած ժամանակ կարող են բաժնետերերը փոխվել, ինչը եւ տեղի է ունեցել: Իրենք ազատ են այդ փոփոխությունները կատարելու հարցում»:

Հիշեցնենք` առաջին ատյանի դատարանը վճռել էր, որ «ՀԺ»-ն 3 միլիոն 600 հազար դրամ պետք է վճարի կրտսեր Քոչարյան Լեւոնին` նրա` Դուբայում ունեցած արկածների մասին լուրը հրապարակելու համար։

Դատական նիստը հետաձգվել է, քանի որ Ռոբերտ Քոչարյանի կրտսեր որդու` Լեւոն Քոչարյանի ներկայացուցչի մոտ անձը հաստատող փաստաթուղթ չի եղել։ Հիշեցնենք, որ վերաքննիչ բողոքը ներկայացրել է «ՀԺ» հիմնադիր «Դարեսկիզբ» ՍՊԸ-ի ներկայացուցիչ` փաստաբան Տիգրան Աթանեսյանը։ Նա պահանջել է բեկանել Կենտրոն եւ Նորք-Մարաշ համայնքների ընդհանուր իրավասության դատարանի դատավոր Արայիկ Մելքումյանի վճիռը, որով նա որոշել է, որ «ՀԺ»-ն պետք է 3 միլիոն 620 հազար դրամ վճարի Ռոբերտ Քոչարյանի ընտանիքին` կրտսեր որդու` Դուբայում ունեցած արկածների մասին հրապարակման համար։

Այսպիսով, «Քոչարյաններն ընդդեմ «Հայկական ժամանակի»» դարակազմիկ դատավարությունը` Կենտրոն եւ Նորք-Մարաշ համայնքների ընդհանուր իրավասության դատարանում ավարտվեց։ Ինչպես եւ պետք էր սպասել, դատավարությունը զուգորդվեց բազմաթիվ ապօրինություններով, որոնք սակայն, ունեին որոշակի առանձնահատկություններ։ Հայցվոր կողմի, այսինքն` Քոչարյանների ընտանիքի վարքագիծը այս դատավարության ընթացքում շատ էր հիշեցնում Արտաշես Քալանթարյանի «Իսկ դուք որտե՞ղ էիք» վեպի մի հերոսի։ Ահա այդ վեպի գյուղական հերոսներից մեկը, շրջանային թերթում աննպաստ հրապարակում կարդալով իր մասին, վերցնում է թերթի մի օրինակ ու գրիչ, գնում հրապարակման հեղինակ լրագրողի տուն եւ նրանից պահանջում ջնջել գրվածը։ Լրագրողը սկզբում չի հասկանում, թե ինչի մասին է խոսքը։

Այն հանգամանքը, որը Մելքումյանը բավարարելու էր Քոչարյանի զավակ Լեւոն Քոչարյանի` «ՀԺ»-ի դեմ ներկայացված հայցադիմումը, թերեւս, ի սկզբանե կանխատեսելի էր։ Դատավարության մասին մեր նախորդ հրապարակումներում նշել ենք, որ դատավորը առանց հիմնավորման մերժել էր «ՀԺ» ներկայացուցիչ, փաստաբան Տիգրան Աթանեսյանի բոլոր այն միջնորդությունները, որոնք ուղղված էին ապացույցներ ձեռքբերելուն։ Այսինքն` դատավորը ի սկզբանե բացահայտ հասկացնել էր տվել, որ իր խնդիրը ոչ թե ճշմարտությունը բացահայտելն է, այլ օրաթերթի դեմ վճիռ կայացնելը։ Քոչարյանի զավակի ներկայացուցիչները եւս դեմ էին ապացույցներ ձեռբերելուն։ Ավելին, հիշեցնենք, որ նրանք ողջ դատավարության ընթացքում խնդրո առարկա հրապարակումը չեն հերքել։

Մելքումյանը վճռել է «ՀԺ»-ից 3 միլիոն 620 հազար դրամ բռնագանձել` հօգուտ Քոչարյանների։ Դատավորը վճռել է մերժել Լեւոն Քոչարյանի հայցի այն մասը, որով վերջինս «ՀԺ»-ից պահանջում էր իրեն վճարել եւս 12,5 միլիոն դրամ։ Բացի այդ, Մելքումյանը պահանջում է հերքում տպագրել Լ. Քոչարյանի` Դուբայում ունեցած արկածների վերաբերյալ։ «ՀԺ»-ն վճիռը կբողոքարկի ՀՀ վերաքննիչ քաղաքացիական դատարանում։

«ՀԺ»-ն, ինչպես եւ խոստացել էր, դատարանում ապացուցեց, որ Ռոբերտ Քոչարյանի զավակ Լեւոն Քոչարյանը Արաբական Միացյալ Էմիրությունում գինովցած վիճակում ոստիկանների ուշադրության կենտրոնում է հայտնվել եւ տարվել է ոստիկանություն։ «ՀԺ»-ի դեմ ներկայացված հայցի քննարկման ընթացքում Լ. Քոչարյանի ներկայացուցիչները երբեւէ չեն հայտարարել, որ իրենց վստահորդը ԱՄԷ ոստիկանություն չի տարվել, միայն պնդել են, որ նրա նկատմամբ քրեական հետապնդում չի իրականացվել։ Այսինքն` Քոչարյանների ներկայացուցիչների հերքումը որեւէ առնչություն չունի «ՀԺ»-ում ամիսներ առաջ տպագրված լուրի հետ։

Դատական նիստի սկզբում «ՀԺ» ներկայացուցիչ, փաստաբան Տիգրան Աթանեսյանը դատավոր Արայիկ Մելքումյանին ներկայացրեց ինքնաբացարկի խոստացված միջնորդությունը։ Աթանեսյանը, դիմելով դատարանին, ասաց. «Ես գտնում եմ, որ Դուք սույն քաղաքացիական գործով դրսեւորում եք ակնհայտ կողմնակալ վերաբերմունք` հօգուտ հայցվոր կողմի»։ Այնուհետեւ փաստաբանը դատավորին բացատրեց, թե նա, մինչեւ դատավարությունը սկսելը, իսկ այնուհետեւ` դատավարության սկսվելուց հետո ինչպիսի խախտումներ է կատարել։

«Քոչարյաններն ընդդեմ «Հայկական ժամանակ» օրաթերթի» դատավարության ընթացքում տեղի ունեցավ հերթական խայտառակ շրջադարձը։ Իհարկե, հայ հանրությունը դեռեւս գլխի չի ընկել, որ նման բան է տեղի ունեցել, եւ այս նյութը հենց դրա մասին է։ Ահա, ուրեմն` փորձելով մի կերպ դուրս գալ այն փաստի տակից, որ մեր դեմ դատարան ներկայացված հայցին կցված է եղել մի անձնագիր, որի վավերականությունը օտարերկրյա պետություններում ավարտվել է դեռեւս 2007 թվականի փետրվարին, Քոչարյանները դատարան են ներկայացրել Լեւոն Ռոբերտի Քոչարյանի դիվանագիտական անձնագիրը, որում, դատելով մամուլի հրապարակումներից, Դուբայում գտնվելու մասին նշում չկա։

Հիշեցնենք, որ Ռոբերտ Քոչարյանի կրտսեր զավակի միջազգային արկածների մասին մեր թերթի փետրվարի 6-ի համարում լույս տեսած հրապարակման համար Քոչարյանների ընտանիքը 16 միլիոն 120 հազար դրամի փոխհատուցում է պահանջում։

Նախորդ օրը տեղի ունեցած դատական նիստում «ՀԺ»-ի ներկայացուցիչ, փաստաբան Տիգրան Աթանեսյանը դատավորին ինքնաբացարկի միջնորդություն էր ներկայացրել։ Երեկվա դատական նիստը սկսվեց այդ միջնորդության մերժմամբ։ Այնուհետեւ պարզվեց, որ դատավորը եւ Քոչարյանների ներկայացուցիչներ Արփինե Մելիքբեկյանը ու Սարգիս Գրիգորյանը դեռեւս մայիսի 12-ին հրավիրված դատական նիստում, որին «ՀԺ» ներկայացուցիչը չի մասնակցել, հասցրել են հայցը հրապարակել, հայցվորին դատավորի կողմից հարցեր տալու փուլը գրեթե ավարտել են։

Երեւանի Կենտրոն եւ Նորք-Մարաշ համայնքների ընդհանուր իրավասության դատարանը երեկ հետաձգեց Ռոբերտ Քոչարյանի կրտսեր որդու` Լեւոն Քոչարյանի` ընդդեմ «Հայկական ժամանակ» օրաթերթի հայցի քննարկումը եւ այն նշանակեց մայիսի 21-ին` ժամը 15.30-ին։