ձնաբուք

Ձնաբքի հետեւանքով երեկ փակ են եղել Սպիտակ-Գյումրի, Եղվարդ- Ապարան ավտոճանապարհները: Երեկ ձնաբուք է եղել Տաշիրում, Սպիտակում, Գյումրիում, Դիլիջանում, Մարալիկում, Թալինում, Աշտարակում, Արարատում, Բերդում, իսկ ահա պարզ եղանակ է եղել Ստեփանավանում, Նոյեմբերյանում, Իջեւանում եւ Կապանում: Այս մասին նշված է Տրանսպորտի եւ կապի նախարարության պաշտոնական կայքէջում:

Հունվարի 25-ին Երեւանում տեղացած կայծակով ուղեկցվող ձյունը, ձնաբուքը, ուժեղ քամին քաղաքացիների շրջանում խուճապ էր առաջացրել, եւ դա բնական էր, քանի որ ոչ միշտ կարելի է նման բանի ականատես լինել: Երեկ նույնպես նախորդ օրվա եղանակը շարունակում էր մարդկանց խոսակցության թեման լինել, մասնավորապես երիտասարդները ավելի տարիքով մարդկանցից փորձում էին ճշտել, արդյո՞ք նման բան էլի եղել էր, երբ եւ այլն: Այս հարցերի պատասխանը ստանալու համար, դիմեցինք Արտակարգ իրավիճակների նախարարության «Հայպետհիդրոմետ»-ի օպերատիվ հիդրոօդերեւութաբանության կենտրոն: Ըստ կենտրոնի ղեկավար Զարուհի Պետրոսյանի` հունվարի 25-ի եղանակը չի կարելի արտառոց համարել: «Նման եղանակը «անոմալ» երեւույթ չէ:

Արդեն 2 օր էր, ինչ ձյան տեղումների եւ ձնաբքի պատճառով փակ էր Եղեգնաձոր-Մարտունի ավտոճանապարհի Սելիմի լեռնանցքի հատվածը: Այս մասին նշված է ՀՀ տրանսպորտի եւ կապի նախարարության պաշտոնական կայքէջում: Բայց արդեն երեկ երեկոյան տեղեկացանք, որ այդ ավտոճանապարհն արդեն բաց է: ՀՀ արտակարգ իրավիճակների նախարարության փրկարար ծառայության փոխանցմամբ էլ հունվարի 19-ին նույն ավտոճանապարհի 12-րդ կմ-ում «ՎԱԶ-2106» մակնիշի մի ավտոմեքենա է խրվել ձնակույտի մեջ եւ այդտեղից դուրս է բերվել միայն փրկարարների օգնությամբ: Իսկ երեկ նույն ծառայության հաղորդմամբ, Սելիմի լեռնանցքում ուժեղ ձնաբքի հետեւանքով 40 ուղեւորներով ավտոբուսը մնացել է ձյան տակ:

Ձնաբուքի հետեւանքով երեկվանից փակ է Մարտունուց դեպի Եղեգնաձեր տանող ճանապարհը: Ինչպես երեկ մեզ փոխանցեցին հանրապետության ճանապարհներին հետեւող «Հայավտոճան» ՊՈԱԿ-ից, ճանապարհի մաքրման աշխատանքները սկսվել են փակման պահից, իսկ ճանապարհի այդ հատվածում ձյան ծածկը հասել է 1 մետր 3 սանտիմետր հաստության: Ըստ տրանսպորտի եւ կապի նախարարության պաշտոնական կայքէջի երեկ ամբողջ օրը ամպամած եղանակ է եղել հանրապետության գրեթե ողջ տարածքում, բացառություն էին կազմում Իջեւանն ու Կապանը: Երեկ ձյուն է եկել Գյումրիում, Դիլիջանում, Հրազդանում, Աբովյանում իսկ ահա Երեւանում եւ Եղեգնաձորում անձրեւ է տեղացել: