ՍԴ որոշում

Զեյնալյանը եւ Ղազարյանը միաժամանակ վճռաբեկից պահանջել են բեկանել քաղբանտարկյալի վերաբերյալ ՀՀ վերաքննիչ քրեական դատարանի կողմից 2009-ի մարտի 10-ին կայացրած որոշումը, որով քաղբանտարկյալը դատապարտվել էր 5 տարվա ազատազրկման, ինչի հիմքում դրվել էր Երեւանի քրեական դատարանի (մասնագիտացված դատարանները գործել են մեկ տարի` 2008-ի հունվարի 1-ից մինչեւ տարեվերջ) 2008-ի դեկտեմբերի 12-ին կայացրած դատավճիռը: Մասնագիտությամբ նկարիչ, 62-ամյա Աշոտ Մանուկյանը 2008-ի նախագահական ընտրություններում ՀՀ առաջին նախագահ Լեւոն Տեր-Պետրոսյանի Վանաձորի նախընտրական շտաբի պետն էր: Հենց այդ պատճառով էլ Մարտի 1-ի դեպքերի ժամանակ` Ազատության հրապարակի նստացույցի մասնակիցների վրա կազմակերպված հարձակման ընթացքում, ժամը 7-ի սահմաններում նա բերման էր ենթարկվել ոստիկանության բաժին:

Հայաստանի Սահմանադրական դատարանի եզրակացությունը հայ-թուրքական արձանագրությունների վերաբերյալ, Թուրքիային, ըստ էության, «իր մոր փորը» գցեց, որովհետեւ թուրքերը արձանագրությունների վավերացումից հրաժարվելու եւ դրա պատասխանատվությունը Հայաստանի վրա գցելու հնարավորություն ստացան: Ու երբ թուրքերը բացահայտ սկսեցին հայտարարել, թե ՀՀ ՍԴ որոշումից հետո չեն պատրաստվում գնալ վավերացման, արձանագրությունների հայ համախոհների եւ հակառակորդների հայացքները հերթական անգամ ուղղվեցին դեպի առաջիկա ապրիլի 24-ը: Արձանագրությունների հակառակորդները հույս ունեն, թե Թուրքիայի հրաժարումը դրանք վավերացնելուց` ԱՄՆ սենատին, կամ նախագահ Օբամային կմղի, ի վերջո , պաշտոնապես ճանաչել Հայոց ցեղասպանությունը, իսկ կողմնակիցների հույսն այն է, թե ԱՄՆ-ի կողմից ցեղասպանության ճանաչման սպառնալիքը Թուրքիային կստիպի այնուամենայնիվ գնալ արձանագրությունների վավերացմանը:

Մինչ հայ քաղաքական միտքը ոգեւորությամբ քննարկում է հայ-թուրքական արձանագրությունների վերաբերյալ ՀՀ Սահմանադրական դատարանի որոշումը, թուրքական կողմից հնչող արձագանքները վկայում են, որ ՍԴ-ն Թուրքիային լեգիտիմ հնարավորություն է տվել բացահայտորեն հրաժարվելու ցյուրիխյան արձանագրությունները վավերացնելուց: ՍԴ-ի որոշումից առաջ էլ ակնհայտ էր, որ Թուրքիան ամեն ինչ անում է արձանագրությունների վավերացումը հնարավորինս ձգձգելու համար, բայց նրա այս դիրքորոշումը խոցելի էր, որովհետեւ կապվում էր ԼՂ հարցում թուրքական կողմի ակնկալած առաջընթացի հետ:

Երեկ այսպիսի հարց ուղղեցինք «Փաստարկ» մամուլի ակումբում լուրջ դեմքով հայ-թուրքական հարաբերությունները եւ ՍԴ վճիռը մեկնաբանող ՀՀԿ խմբակցության պատգամավոր, ԱԺ ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանին, եւ մասնավորեցնելով` խնդրեցինք նախ անդրադառնալ օրերս «Ջիանիում» տեղի ունեցած միջադեպին, երբ ընդհարում էր տեղի ունեցել ՀՀԿ-ական պատգամավոր Լեւոն Սարգսյանի եւ Սեյրան Սարոյանի միջեւ, եւ որպես մարդ գնահատել, թե նման միջադեպերի թվի աճը ինչպե՞ս է անդրադառնում իրենց կուսակցության վարկանիշի վրա: Հարցերին ի պատասխան` Մինասյանն ասաց. «Դրան տեղյակ եմ ընդամենը լրագրային նյութերից եւ, իհարկե, դատապարտելի է զվարճանքի կենտրոններում որեւէ մարդկանց միջեւ այդպիսի բախումները:

Երեկվա դրությամբ, հոկտեմբերի 10-ին ստորագրված հայ-թուրքական արձանագրությունները դեռեւս չեն ներկայացվել ՀՀ Սահմանադրական դատարան։ Վերջինս պետք է որոշի` արդյոք ստորագրված փաստաթղթերը համապատասխանում են ՀՀ Սահմանադրությանը, թե ոչ։ Հայ-թուրքական արձանագրությունները ՀՀ ԱԺ-ի վավերացմանը կարող են ներկայացվել միայն ՍԴ դրական եզրակացության հիման վրա։ Ի դեպ, միջազգային պայմանագրերի` ՀՀ Սահմանադրությանը համապատասխանության հարցը ՍԴ-ում քննարկելը որոշակի ընթացակարգ է ենթադրում։