Դուբայ

Նոյեմբերի 25-ին լրանում է ԲՀԿ առաջնորդի 55-ամյակը: Ուշագրավ է, որ այս օրերին Դուբայում է գտնվում նաեւ ԱԺ այլեւս նախկին նախագահ, Ծառուկյանի խնամի Հովիկ Աբրահամյանը: Ըստ մամուլի հրապարակումների, Դուբայում է նաեւ Տաշիրի (Կալուգայի) Սամվել Կարապետյանը, որը Ծառուկյանի եւ Աբրահամյանի երեխաների հարսանիքի քավորն է: Դուբայում են նաեւ Սամվել Ալեքսանյանը եւ Գագիկ Բեգլարյանը: Իշխանական կուլիսներում, ըստ այդմ, խոսվում է, որ Դուբայում Ծառուկյանի ծնունդի «քողին տակ» ներքաղաքական ռազբորկա է տեղի ունենալու, ինչը կազդի ներիշխանական հետագա զարգացումների վրա:

Դուբայում, ուր 2009-ի վերջին հանդիսավորությամբ բացվել է աշխարհի ամենաբարձր երկնաքերը` 828 մետր բարձրություն եւ 162 հարկ ունեցող Բուրջ Խալիֆան, պատրաստվում են բարձրության նոր ռեկորդ սահմանել: Արաբ ճարտարապետները ձեռնամուխ են եղել «Nakheel Tower» անունով երկնաքերի կառուցմանը, որն ունենալու է 1400 մետր բարձրություն եւ դառնալու է մարդկության պատմության ընթացքում երբեւէ կառուցված ամենաբարձր շինությունը: Հսկա երկնաքերը բաղկացած է լինելու բազմաթիվ հյուրանոցներից, գրասենյակային տարածքներից, առեւտրի կենտրոններից, նաեւ` բնակելի հատվածից: Այն իրենից ներկայացնելու է ամբողջական քաղաք` մեկ շինության մեջ: Ապագա երկնաքերի վրա տեղադրվելու են արեւային մարտկոցներ ու քամու տուրբիններ, որոնք այն պետք է ապահովեն սեփական էլեկտրաէներգիայով ու տաք ջրով: Հսկա երկնաքերի կառուցման համար, ըստ ճարտարապետների, մոտ 10 տարի կպահանջվի:

Դուբայում ավարտվեց շախմատային միջազգային մրցաշարը« որին մասնակցում էին նաեւ Հայաստանի 5 ներկայացուցիչներ, այդ թվում` օլիմպիական չեմպիոններ Գաբրիել Սարգսյանը եւ Տիգրան Պետրոսյանը: Մեր հավաքականի անդամները չափազանց անհաջող հանդես եկան, ընդ որում` Սարգսյանը ամենաբարձր վարկանիշն ուներ բոլոր` 154 մասնակիցների մեջ. Գաբրիելը, ի վերջո, զբաղեցրեց միայն 10-րդ հորիզոնականը, իսկ Պետրոսյանը` 41-րդ: Մեր շախմատիստներից լավագույն արդյունքի հասավ Հրանտ Մելքումյանը, ով հավաքեց հաղթողին հավասար` 7 միավոր: Նույնքան միավորներ վաստակեցին եւս 8 մասնակիցներ, սակայն լրացուցիչ ցուցանիշներով Մելքումյանը զբաղեցրեց 6-րդ հորիզոնականը` արժանանալով 2200 ԱՄՆ դոլար մրցանակային պարգեւի:

Մեր թերթի 2009 թվականի փետրվարի 6-ի համարում տպագրվել էր հետեւյալ հրապարակումը «Ռոբերտիչի արկածները Դուբայում» վերնագրով. «Ամանորից օրեր առաջ Դուբայում տեղի ոստիկանության կողմից հարբած վիճակում ձերբակալվել է Ռոբերտ Քոչարյանի կրտսեր որդին` Լեւոն Քոչարյանը: Ըստ հավաստի աղբյուրների, կրտսեր Քոչարյանի հետ ձերբակալվել են նաեւ Մոսկվայում հայտնի դատախազ Գենայի որդին եւ եւս երկու հոգի: Կրտսեր Քոչարյանի համար եղել են բազմաթիվ միջնորդություններ, սակայն տեղի իրավապահները նրան բաց են թողել չորս օր պահելուց հետո միայն, այն էլ` զանազան փաստաթղթեր պահանջելով: Ըստ մեր աղբյուրների, Լեւոն Ռոբերտի Քոչարյանը ձերբակալվել է հասարակական վայրում անկարգություններ անելու համար»: Այս լուրի տպագրումից հետո Քոչարյանների ընտանիքը դատի տվեց մեր թերթին, եւ Հայաստանի դատարանը, որի անկախությունը,օրինականությունն ու մաքրությունը բոլորիդ է հայտնի, վճռեց որ մենք պետք է հերքենք այդ տեղեկատվությունը: Այսպիսով, հերքում ենք` ի կատարումն դատավճռի:

Հիշեցնենք, որ «Քոչարյաններն ընդդեմ «Հայկական ժամանակի»» քաղաքացիական հայցի հիման վրա դատարանը հենց այսքան տուգանք էր դրել մեր թերթի վրա: Իսկ դատական գործի առիթը մեր թերթում տպագրված մի հրապարակում էր, որտեղ պատմվում էր Դուբայում Քոչարյանի կրտսեր որդու` Լեւոնի իրականացրած հարբած դեբոշների մասին: Քոչարյանները դատարան էին դիմել եւ 15 միլիոն դրամի բարոյական վնասի փոխհատուցում պահանջել «ՀԺ»-ից: Խայտառակ դատավարության արդյունքում, ի վերջո, դատարանը մասնակի բավարարեց հայցը` 3 միլիոն 300 հազար դրամի չափով: Երեկ մենք ԴԱՀԿ-ին վճարել ենք այդ գումարը` մեր գույքը արգելանքից հանելու համար: Այսպիսով, Քոչարյանները Հայաստանի իրենց փայ բռնազավթման ընթացքում կուտակած 4 միլիարդ դոլարին ավելացրին եւս երեք միլիոն 300 հազար դրամ: Բայց մենք հաճույքով ենք վճարել այդ գումարը, որովհետեւ կորած տեղ չի: Ի վերջո, հեռու չէ այն օրը, երբ ոչ միայն այդ երեք միլիոնը, այլեւ մնացած չորս միլիարդ դոլարը վերադարձվելու են ժողովրդին: Ոչ մի բռնապետ իր լափածը չի մարսել:

Միջազգային ֆինանսական շուկաները, «շունչները պահած», սպասում են հավանական նոր փլուզման, որը կարող է համաշխարհային ֆինանսատնտեսական ճգնաժամի նոր ալիքի սկիզբը դնել: Բանն այն է, որ Դուբայի պետական «Dubai World» ներդրումային ընկերությունը նոյեմբերի վերջին դիմել էր արտասահմանյան վարկատուներին` խնդրելով մինչեւ մայիսի 30-ը հետաձգել 59 միլիարդ դոլարի պարտքերի տոկոսների (3 միլիարդ 650 միլիոն դոլար)` դեկտեմբերի 14-ին նախատեսված վճարումները: Սակայն արդեն հայտնի է դարձել, որ վարկատուները հրաժարվում են համաձայնել պարտքերի վճարումը հետաձգելու առաջարկին: Սա նշանակում է, որ արդեն դեկտեմբերի 14-ին «Dubai World»-ը, որը, ի դեպ, աշխարհում ամենամեծ ներդրումային ընկերությունն է համարվում, ավտոմատ կերպով սնանկ է ճանաչվելու: Իսկ այդ հանգամանքն էլ, իր հերթին, սպառնում է նոր հուժկու ցնցում առաջացնել համաշխարհային ֆոնդային շուկաներում: Դեռ նոյեմբերի 26-ին, երբ Դուբայի էմիրության իշխանությունները ընդամենը հայտարարեցին, որ «Dubai World»-ը ի վիճակի չէ վճարել տոկոսները, հաջորդ օրն իսկ ասիական, ապա` եվրոպական ու ամերիկյան ֆոնդային բորսաներում իսկական խուճապ սկսվեց, ինչը հանգեցրեց փլուզման:
Այսպիսով, մինչ վերջերս շինարարական բումի կենտրոն հանդիսացող Դուբայը, որը նույնիսկ ճգնաժամի պայմաններում «կայուն օազիս էր» համարվում, այժմ օր օրի մոտենում է սնանկ հայտարարվելու պահին: «Dubai World»-ի սնանկ ճանաչվելու դեպքում համաշխարհային ֆինանսական համակարգը, փորձագետների պնդմամբ, նոր մեծ հարված կստանա, քանի որ համաշխարհային առաջատար բանկերը ահռելի ներդրումներ են կատարել Դուբայում իրականացված` մեկը մյուսից հավակնոտ նախագծերում:

Համաշխարհային ֆինանսատնտեսական ճգնաժամի նոր ալիքից խուսանավելու շանսերը գնալով նվազում են: Բանն այն է, որ Դուբայի իշխանությունները երեկ հայտարարել են, որ մտադիր չեն երաշխավորել «Dubai World» պետական ներդրումային ընկերության` 59 միլիարդ դոլարի հասնող պարտքերը: Միջազգային շուկաներն այս հայտարարությունը գնահատել են իբրեւ էմիրության իշխանությունների կողմից հրաժարում` ընկերությունը սնանկացումից փրկելուց: Միայն այդ հայտարարությունը նոր տհաճ անակնկալ է մատուցել եվրոպական ու ամերիկյան շուկաներում, ուր նոր փլուզում է տեղի ունեցել: Եւ սա այն դեպքում, երբ վերջին երկու օրերին դրանք որոշակի աճ էին արձանագրել ուրբաթ օրվա փլուզումից հետո, երբ հայտնի էր դարձել, որ էմիրության վերը հիշատակված ընկերությունը հրաժարվել էր առաջիկա 6 ամսում վճարել պարտքերից գոյացած 3.6 միլիարդ դոլար տոկոսագումարը վճարելուց:

Ամանորից օրեր առաջ Դուբայում տեղի ոստիկանության կողմից հարբած վիճակում ձերբակալվել է Ռոբերտ Քոչարյանի կրտսեր որդին` Լեւոն Քոչարյանը։ Ըստ հավաստի աղբյուրների, կրտսեր Քոչարյանի հետ ձերբակալվել են նաեւ Մոսկվայում հայտնի դատախազ Գենայի որդին եւ եւս երկու հոգի։ Կրտսեր Քոչարյանի համար եղել են բազմաթիվ միջնորդություններ, սակայն տեղի իրավապահները նրան բաց են թողել չորս օր պահելուց հետո միայն, այն էլ` զանազան փաստաթղթեր պահանջելով։ Ըստ մեր աղբյուրների, Լեւոն Ռոբերտի Քոչարյանը ձերբակալվել է հասարակական վայրում անկարգություններ անելու համար։

Հովիկ Աբրահամյանն ու նրա ընկերները պատրաստվում են Դուբայ թռչել նախագահական հին` ՏՈՒ-134 ինքնաթիռով։